Reshjet e shumta të shiut në rajonin e Pollogut kan shkaktuar dëme të mëdha si në të mbjellat bujqësore ashtu edhe në ambientet e banimit, institucione dhe vetura. Kjo të reshura kanë nxjerrë sërish në sipërfaqe disa nga problemet të kahmotëshme e që lidhen me kanalizimin atmosferik të qytetit.
Sipas disa qytetarëve në lagjen teqe, kanalizimi atmosferik në këtë rrugë është pothuajse tërësisht jashtë funksionin dhe të vetmet puseta që janë funksionale janë afër rrethit përballë restorant Era, por që këta dy puseta janë të pakta dhe aty krijohet një moçal i madh.
Hiç më ndryshe nuk është as në rrugën Bllagoja Toska, ku për shkak të mosfunksionimit të pusetave atmosferike uji hyri në disa nga podrumet e ndërtesave në Bllok 82. Një banorë i lagjes për Top24 thekson se ai ka paguar dy her privatisht NPK-në që të pastroj kanalazimin atmosferik në këtë lagje edhe pse kjo është obligim i kësaj ndërmarrje.
Tetova problem me kanalizimin atmosferik ka edhe në lagjet bllok 70 dhe shumë lagje të tjera shprehen qytetarët pasi deri më sot nuk ka pasur asnjë aksion për lirimin, rregullimin dhe pastrimin e pusetave të kanalizimit atmosferik që të Tetovarët të mos përballen me përmbytje sa her që ka të reshura të shiut.Top24
