Zëvendëskryeministri dhe ministri i Transportit, Aleksandar Nikoloski është qortuar verbalisht nga kolegu i tij grek Kristos Staikouras që të mos përdorë emrin “Maqedoni” në takimin joformal ministror për sigurinë hekurudhore në Budapest.
Në kuadër të takimit jozyrtar, Staikouras i vuri në dukje zëvendëskryeministrit dhe ministrit të Transportit të Maqedonisë së Veriut, Aleksandar Nikoloski, se të quash Maqedoninë e Veriut “Maqedoni” është e paligjshme dhe kalon kufirin në lidhje me çdo përparim në marrëdhëniet dypalëshe, raporton agjencia greke e lajmeve ANA-MPA.
Nikoloski këto ditë është nën presion të madh diplomatik. Politikanët nga Bullgaria kërkuan që ai të jepte dorëheqjen nga qeveria, pasi fqinji lindor e quajti atë një “pritës të paqytetëruar”. (INA)