Betimi i presidentes Gordana Siljanovska Davkova ishte i denjë, prisja një urim nga fqinji jugor për triumfin bindës, por fatkeqësisht morëm “muskuj politik”, deklaroi sot kryetari i VMRO-DPMNE-së dhe mandatari i ardhshëm Hristijan Mickoski.
Mickoski bëri thirrje për marrëdhënie të mira fqinjësore dhe miqësore me Greqinë dhe apeloi që të mos ketë më kërcënime, opstrukcione dhe kthim në të kaluarën, por që të dyja palët të shikojnë nga e ardhmja. Ai tha gjithashtu se së shpejti pret një takim me kryeministrin grek, me të cilin do të bisedojë për ekonominë, turizmin, arsimin.
Sipas Mickoskit, nëse Greqia beson se vendi ka shkelur Marrëveshjen e Prespës, ekziston një Gjykatë Ndërkombëtare e Drejtësisë. Ai kujtoi gjithashtu se vendi ynë e ka zbatuar Marrëveshjen në tërësi, ndërsa te fqinji jugor nuk janë kryer tri detyrat themelore.
“Nëse dikush pret që VMRO-DPMNE të përsërisë gabimet e së kaluarës, të jeni të sigurt se ne nuk do ta bëjmë këtë. Ne nuk kemi ndërmend t’i përgjigjemi “muskujve” të tyre politik duke riemëruar autostrada dhe aeroporte apo duke ndërtuar monumente. Nuk pres që marrëdhëniet mes dy vendeve të bazohen në “muskuj politikë”, pres që të kemi marrëdhënie të shkëlqyera fqinjësore, vlerësoj që VMRO-DPMNE dhe qeveria e tyre e udhëhequr nga Demokracia e Re kanë qëndrimin e tyre lidhur me Marrëveshjen e Prespës, sepse as njërit dhe as tjetrit nuk na pëlqen ajo marrëveshje”, theksoi Mickoski.
Për dallim nga atje, theksoi, Marrëveshja e Prespës këtu është pjesë e institucioneve të Maqedonisë, të Kushtetutës dhe ligjeve të Maqedonisë.
“Shumë herë në të kaluarën e kemi thënë se ky është realitet. Komunikimi në institucionet e Maqedonisë mbetet në përputhje me Kushtetutën dhe ligjet, por e drejta ime themelore e njeriut është ajo që unë do ta quaj vendin tim. Dhe gjatë dhënies së deklaratave apo fjalimeve, edhe unë, dhe pres që kjo të jetë mënyra e sjelljes së Siljanovskës, të përdor termat Maqedoni dhe parashtresën “maqedonas”, sepse në atë mënyrë, sipas interpretimit tonë të Marrëveshjes së Prespës, nuk ka shkelje të tij. Unë e shfrytëzoj këtë mundësi për miqtë tanë nga Greqia – le të ndalojmë me kërcënimet, opstrukcionet dhe kthimin në në të kaluarën, të shikojmë nga e ardhmja. Këto janë dokumente që janë pjesë e ligjit. Nëse mendojnë se e kemi shkelur Marrëveshjen e Prespës, ka një Gjykatë Ndërkombëtare, mund të fillojnë një proces, kështu që ne do t’i kryqëzojmë të dyja argumentet atje. Nuk do të doja që kjo të ndodhte. Bëj thirrje për marrëdhënie të mira fqinjësore dhe miqësore”, nënvizoi Mickoski.
Vendit vetëm kërkon që, shtoi, të ratifikohet Protokolli për bashkëpunim ekonomik mes dy vendeve.
“Ftojmë kompanitë greke të investojnë në Maqedoni, ndërsa kompanitë e Maqedonisë në Greqi. Bëj thirrje për marrëdhënie të mira fqinjësore dhe miqësore dhe të ndihmojnë njëri-tjetrin, tha Mickoski.