“Arben Fetai në emisionin «Debat Plus» ka theksuar se Ali Ahmeti ka shumë paterica të tij ndërsa ne nuk kemi pranuar të jemi patericë e Ali Ahmetit.
Në këtë konstatim ka ndërhyrë gazetari Panduri i cili e pyeti se nëse është e më mirë të jesh patericë e Ali Ahmetit apo të jesh patericë e Hristjan Mickovskit i cili është njeri Vuçiçit”, shkruan Top24!
Mbrëmë në emisionin “Debat plus” zv.kryeministri i “Severnës” Arben Fetai, u ndodh shpesh në siklet nga pyetjet e moderatorit Ermal Panduri, për “arritjet” e VREDI-t gjatë një një viti të qëndrimit të tyre në pushtet, duke shtuar dhe duke ia adresuar vredistëve të Benit përgjegjësinë se kjo është qeverisja më e keqe në 35 vite ndaj shqiptarëve të “Severnës”!
I pyetur nëse do ta lëshoni qeverinë nëse shkarkohet Arsim Idrizi, drjetor i inspektoriatit për gjuhët nga reklamimi i serbofilit Stoilkoviq pranë premierit Micko, Beni i VREDI-t iu shmang pyetjes, duke iu përgjigjur me krenari se “a u shkarku?
Por, ajo që “harroi” z.Panduri ta pyesë zv.kryeministrin e “dëržavës” ishte se ku e gjen të drejtën premieri Micko ta kercënoj drejtorin e Inspektoratit të Gjuhëve, që nëse flet edhe njëherë shqip nëpër institucionet shtetërore do të shkarkohet?
Me këtë rast pyetja që shtrohet natyrshëm nga të gjithë shqiptarë është nëse shkarkohet z. Idrizi si drejtor i Inspektoriatit të Gjuhëve, a do të dalin nga qeveria vredistët apo jo?
Mesa duket vredistët nuk do të dalin nga kjo qeveri antishqiptare me bindje dhe me vepra për shkak të privilegjeve të pushtetit, ndaj askush mos të ushqej më të voglin iluzion se me këta qylaxhinj do të vijë ndryshimi por përkundazi, ata e kanë vithisur dhe e kanë lumosur si mos më keq çështjen shqiptare, ndaj dhe mori emrin qeverisja më e keqe për shqiptarët në këto 35 vite të demonkracisë maqedone mbi shqiptarët!
Medai Shaholli