Shtatëmbëdhjetë komuna nuk kanë aplikuar fare për projekte komunale infrastrukturore, për të cilat Qeveria ndan mjete nga kredia hungareze. Në këtë grup përfshihen: Saraji, Centari, Çairi, Shutka, Likova, Probishtipi, Valandova, Rosomani, Bogovina, Vrapçishti, Mavrovë-Rostusha, Tearca, Dibra, Struga, Bitola, Krusheva dhe Dollneni.
Ministri i Vetëqeverisjes Lokale, Zlatko Perinski, deklaroi se 36 komuna kanë aplikuar me projekte në vlerën maksimale të mjeteve financiare që u takojnë sipas formulës për frymë, ndërsa 27 komuna kanë ende mundësi të aplikojnë me projekte shtesë deri në shumën e parashikuar.
Qeveria apelon edhe një herë te të gjitha vetëqeverisjet lokale që të shfrytëzojnë këtë mundësi dhe të respektojnë afatin ligjor për aplikim deri më 30 prill.