Krenar Lloga në Daily Click në TV21 u ankua se Arben Tarvari nuk ka paguar qiranë dhe faturat e selisë së ASH-së në Shkup. Lloga thotë se ka pasur marrëveshje që është bërë gjatë takimit Sela-Taravari, në shtëpinë e Jeton Selimit. Ndërsa në takim thotë se ka qenë prezent edhe Garip Kaba.
“Z. Ziadin Sela i ka thënë që të lutem Arben zgjidhe selinë, edhe Arbeni i ka thënë jo zgjidhe ti. Ziadini i ka thënë tani më je ti kryetar dhe unë mendoj që selia kryesore që është në Tetovë do të duhet të takojë ty Arben, ne po mbajmë selinë në Shkup, deri në vendimin përfundimtar të Gjykatës. Dhe që nga kyçja e Arben Taravarit në qeverisje me VMRO-në, ai nuk ka paguar selinë në Shkup, faturat e qirasë dhe faturat e tjera dhe pronari që na ka takuar, na ka komunikuar disa herë, ka thënë se e kam takuar, në fillim më tha Arbeni që po deri sa të vendose gjykata dhe tani më thotë se jo ne kemi qenë deri në zgjedhje. Dmth njeriu është rekorder në mos-mbajtjen e fjalës”, theksoi Lloga.
Në lidhje me këtë çështje pyetëm Arben Taravarin, ai thotë se shpenzimet ua ka paguar deri në muajin qershor.
“Deri në fund të qershorit ua kam paguar edhe qiranë po edhe punëtor (shofer) dhe makinë (bile me të shtrenjtë se makina që e përdori unë si kryetar partie). Tash më ato funksionojnë më shumë si OJQ, dhe si krahu i BDI-së. Une ju uroj suksese!”, tha Taravari për TV21.