Ministri i Drejtësisë i RMV-së Krenar Lloga, është duke qëndruar për vizitë zyrtare në Turqi.
Në takimin me ministrin e Drejtësisë së Republikës së Turqisë, Jilmaz Tunç, Lloga ka biseduar edhe për procedurën e ekstradimit të Lupço Palevskit.
“Ministri i Drejtësisë, Krenar Lloga, nga kolegu i tij turk është njoftuar se, procesi gjyqësor për Palevskin ka përfunduar dhe pritet të përfundojnë edhe procedurat administrative”.
“Pas përfundimit të pjesës administrative, Palevski pritet të ekstradohet në RMV. Ministri Lloga e falënderoi ministrin Tunç për reagimin e shpejtë të tyre dhe arrestimin e Palevskit dhe theksoi se, kjo është shenjë e mirë për shoqërinë, të dënohen ata që kanë kryer krim”, thonë nga kabineti i Krenar Llogës.