Nënkryetari i Aleancës për Shqiptarët, Krenar Lloga dhe anëtari i Kryesisë, Driton Nebiu, morën pjesë në marshin komemorativ “Marshi për Srebrenicën”, organizuar nga Këshilli Kombëtar Boshnjak (BNS), në shenjë respekti dhe kujtimi për viktimat e gjenocidit në Srebrenicë.
Marshi filloi nga bulevardi “John Kennedy”, përmes Çarshisë të vjetër të Shkupit deri në sheshin “Maqedonia”, ku u mbajt program përkujtimor për të përkujtuar viktimat e gjenocidit në Srebrenicë.
Në të morrën pjesë deputetë, kryetarë komuash, aktivistë, Ambasadori i Republikës së Turqisë, mysafirë special dhe idearori i simbolit të masakrës së Srebrenicës.
Në shesh u ekspozuan piktura artistike dhe foto të lidhura me gjenocidin.
Maqedonia e Veriut ishte bashkësponzoruese e rezolutës së miratuar në Këshillin e Sigurisë së OKB-së, në maj të vitit 2023, me të cilën 11 korriku u shpall si ditë ndërkombëtare për kujtimin e gjenocidit në Srebrenicë. Me këtë rezolutë sanksionohet çdo formë e mohimit të gjenocidit.
Lloga dhe Nebiu morën pjesë në “Marshin për Srebrenicën” në Shkup
