Kreu i Nismës për Kosovën, Fatmir Limaj, ka reaguar pas dështimit të përpjekjes së 11-të për konstituimin e Kuvendit të Kosovës, duke theksuar se partia e tij është e gatshme të japë kontributin e saj për zgjidhjen e krizës.
Por, ai theksoi se përgjegjësia kryesore për krijimin e shumicës dhe formimin e institucioneve është e tri partive të mëdha politike.
Limaj ka theksuar se nuk është koha për të pritur, pasi Kosova ka nevojë për institucione funksionale.
Ai ka theksuar se, nëse partia e parë nuk arrin shumicën e nevojshme, duhet të tentohen alternativat për të krijuar një shumicë tjetër.
“Kosova ka nevojë për institucione. Nëse partia e parë nuk ka shumicë, duhet të mundohemi të formojmë shumicë tjetër,” ka deklaruar Limaj, duke shtuar se deri tani nuk ka parë asnjë hap konkret për krijimin e një shumice të konsoliduar.
Ai sshpreson që një zgjidhje të arrihet sa më shpejt, për të shmangur krizën institucionale.