Pas lajmit të indeks.mk të përkthyer nga faktor.bg për lidhshmërinë e ministres Bozhinovska me kompanitë energjetike në Bullgari që janë në pronësi të biznesmenit serb, ka reaguar ish ministri i Administratës, Naim Bajrami.
Duke shpërndarē lajmin e indeks.mk, Bajrami ka ftuar zëvendës kryeministrin për Qeverisje të mirë, Arben Fetai, të kontrollojë vërtetësinë e informacioneve të plasuara nga mediat bullgare dhe të marrë masa.
Thotë se Arben Fetai e ka rastin të veprojë kundër oligarkëve serbo-rus, siç edhe premtoi para qytetarëve.
Reagimi i plotë:
I bëj thirje publike zëvendëskryeministrit për qeverisje të mirë, Arben Fetai, që ta hetojë vërtetësinë e këtij lajmi dhe biografinë e koleges së tij e cila do të udhëheq me një resor që i bie të ketë konflikt interesi. Paramendoni nji ministre e energjetikës që është e lidhur me disa kompani të energjetikës, një prej të cilave edhe objekt hetimi për keqpërdorim në vendin tonë.
“Sanja Bozhinovska është e lidhur edhe me “RUDNAP DOOEL” Shkup, ku ka qenë menaxhere. Kjo kompani nuk ekziston më sepse më 6 dhjetor 2017 ishte objekt i një hetimi nga Policia Financiare e Maqedonisë së Veriut. Dyshimet ishin se ka dëmtuar kompaninë shtetërore energjetike MEPSO me 700 mijë euro”.
Ish bashkëpartiaku im i cili gojën e kishte plot me retorikë kundër oligarkëve sërb e rus në RMV, sot e ka mundësinë që të tregojë a ka guxim ti del në ballë VMRO-së, koleges me shtetësi bullgare dhe me biznese sërbe.