Profesori universitar dhe komentatori politik, Blerim Latifi, përurimin e një xhamie të re që u bë të enjten në Tiranë e ku ka marrë pjesë edhe presidenti turk, Recep Tayip Erdogan e krahasoi me vizitën e tij në Beograd të premten.
Latifi ka thënë se Erdogan po investon në Serbi miliona euro, ndërkohë që shqiptarëve po u ndërton xhami të stilit otoman.
“N’Beograd Erdogani paska thanë se “marrëdhëniet e Turqisë me Serbinë janë në një epokë të artë”. Sigurisht, ky është termi më i saktë për të përshkruar faktin për miliarda investime që shteti turk ka bërë në Serbi, ndërsa marrëveshjet dypalëshe përfshijnë të gjitha fushat, përfshi edhe industrinë e armatimeve. Ndërkaq, shqiptarëve u ndërton xhami dhe investime në restaurime të objekteve të periudhës otomane. Një aforizmë e moçme thotë : Budallës mos i zbrit as teposhtë!|”, ka shkruar Latifi.