Lamine Yamal ka barazuar një rekord të jashttëzakonshëm të Cristiano Ronaldos gjatë fitores me rezultat 4-1 të Spanjës ndaj Gjeorgjisë në Euro 2024. Sensacioni spanjoll ka luajtur një rol kyç për ekipin e Luis De La Fuentes në Euro 2024, dhe “Furia e Kuqe” tani ka mbetur ekipi i vetëm me rekord 100 për qind të fitoreve. Ata pësuan gol pas vetëm 18 minutave, me mbrojtësin Robin Le Normand që pa dashje shënoi në rrjetën e portës së tij.
Megjithatë Spanja u kundërpërgjigj shpejtë duke barazuar rezultatin përmes Rodrit i cili shënoi nga një distancë e konsiderueshme për 1-1. Golat nga Fabian Ruiz, Nico Ëilliams dhe Dani Olmo në pjesën e dytë kompletuan rikthimin e Spanjës, të cilët kishin 36 goditje në portë gjatë ndeshjes.
Ani pse në fund Rodri mori çmimin “Lojtari i Ndeshjes”, vëmendja ishte tek 16-vjeçari Yamal i cili ishte në qendër të shumicës së rasteve që Spanja i krijoi për gol. Ai asistoi tek goli i Fabian Ruiz në pjesën e dytë, duke barazuar kështu një rekord që Cristiano Ronaldo e kishte mbajtur për 20 vite.
Ky ishte asistimi i tij i dytë në këtë garë, që do të thotë se ylli i Barcelonës sipas OptaJoe, është bërë adoleshenti i parë i cili asiston në të paktën dy gola në Kampionatin Evropian që prej se Ronaldo e bëri këtë për Portugalinë në Euro 2024.
Ish-legjenda e Real Madridit ishte 19-vjeçar kur e arriti këtë rekord që do të thotë se Yamal është bërë lojtari më i ri në histori të Kampionatit Evropian që e arrin këtë rekord. Gjatë ditëve të fundit ishte raportuar se Yamal është lidhur me një transferim tek PSG-ja për 250 milionë euro, megjithëse Barcelona nuk e ka në plan ta lejojë largimin e tij./Telegrafi/