Këngëtari i njohur shqiptar, Labinot Tahiri, ka ndarë me ndjekësit e tij në Instagram një moment të veçantë nga një mbrëmje e kaluar në qytetin bregdetar të Ulqinit.
Në një fotografi të publikuar së fundmi në Instagram Story, ai shfaqet përkrah politikanit shqiptar nga Mali i Zi, Dritan Abazoviq – ish-kryeministër i vendit.
Të dy shihen të buzëqeshur dhe të përqafuar, duke reflektuar një atmosferë miqësore dhe respekti të ndërsjellë gjatë një ahengu të përbashkët në Ulqin, qytetin me histori të lashtë shqiptare.
“Një foto e bukur në këtë natë, në Ulqinin e dashur me histori mijëra vjeçare. Me nder dhe respekt pranë politikanit të zot dhe shqiptarit të shquar, ish-kryeministrit të Malit të Zi, Dr. Dritan Abazoviq. Respekte për të gjithë ju nga ne!”, ka shkruar Labin mbi fotografinë e publikuar.
Ky postim ka marrë vëmendje të madhe në rrjete sociale, jo vetëm për karakterin e tij miqësor dhe patriotik, por edhe për rëndësinë që mbart lidhja dhe bashkëpunimi mes figurave publike shqiptare në rajon.