Një konflikt i çastit përfundoi në mënyrë tragjike në Zllakuqan të Lipjanit. Një 57 vjeçar mbeti i vrarë pas therjes me thikë në një konflikt mes fqinjve në këtë fshat. Insajderi merr vesh se viktima është Agim Zani.
Rastin tragjik e ka bërë të ditur për Insajderin zëdhënësja e Policisë për rajonin e Prishtinës, Flora Ahmeti. Ajo ka thënë se sipas informacioneve të para, dyshohet se si pasojë e një mosmarrëveshje ka rezultuar me plagosje mes dy personash. Njëri nga të lënduarit, sipas Ahmetit, ka vdekur kurse tjetri është dërguar për tretman mjekësor.
“Njëri nga personat e lënduar ka vdekur, ndërsa i lënduari tjetër është dërguar për tretman mjekësor. Vdekjen e viktimës mashkull, rreth 57 vjeç, e ka konstatuar ekipi mjekësor në QKMF në Magure”, njofton Ahmeti. Për rastin, janë arrestuar dy persona. Insajderi merr vesh se viktima është Agim Zani.
Burime të Insajderit bëjënë me dije se njëri nga dy të dyshuarit në këtë rast është Skënder Krasniqi, i njohur për autoritetet, pasi që në mars të këtij viti kishte sulmuar drejtorin e shkollës fillore “Kadri Beba” në Ribar Të Madh, Nehat tërpeza. /Insajderi.org/