Ekuipazhi i aeroplanit të dytë luftarak rus Su-30, i rrëzuar nga dronët detarë ukrainas pranë Krimesë më 2 maj, është konfirmuar i vdekur.
Gjeneral-lejtnant Kyrylo Budanov, shef i inteligjencës së Mbrojtjes së Ukrainës (DIU), konfirmoi në një intervistë për The War Zone (TWZ), një agjenci lajmesh për mbrojtjen dhe teknologjinë ushtarake.
Budanov e përshkroi rrëzimin e dy Su-30 si një moment historik për forcat mbrojtëse të Ukrainës, transmeton Telegrafi.
Ai deklaroi se Grupi 13, një njësi speciale brenda DIU, ishte përgjegjëse për shkatërrimin e aeroplanit duke përdorur raketa ajër-ajër AIM-9 Sideëinder të lëshuara nga droni detar Magura-7.
Budanov tha se ekuipazhi i Su-30 të parë mbijetoi dhe u mor në Detin e Zi nga një anije civile. Raportet paraprake thonë se ekuipazhi i aeroplanit të dytë u vra.
“Ne përdorim disa modele [të raketave] në Magura-7, por rezultatet më të mira [vijnë nga] AIM-9”, shtoi kreu i inteligjencës ushtarake ukrainase. /Telegrafi/