Gjykata Themelore Penale e Koçanit ka pranuar sot propozimin e Prokurorit shtetëror dhe i ka vazhduar edhe për 30 ditë paraburgimin ish-ministrit Kreshnik Bekteshi, ndërsa ka caktuar “masa kujdesi” kundër gjashtë oficerëve të policisë, nga gjithsej shtatë të dyshuar për krime të rënda kundër sigurisë publike në lidhje me zjarrin në Koçan.
Policët e arrestuar sot u nxorrën para gjykatësit, me propozim të prokurorit publik, për procedurë paraprake, pas së cilës, siç njoftoi Gjykata Penale, u janë shqiptuar masa për sekuestrimin e dokumenteve të udhëtimit, ndalim për ta lëshuar vendbanimin, për t’u paraqitur në gjykatë, ndalim për kontakte me të pandehur dhe të dyshuar të tjerë, si dhe ndalim për të ndërmarrë aktivitete të caktuara pune.
Prokuroria sot hapi hetim kundër dhjetë oficerëve të policisë për zjarrin në Koçan, nga të cilët propozoi caktimin e masave të kujdesit për shtatë, ndërsa tre të dyshuarit e tjerë, siç informoi Prokuroria, janë siguruar me procedurë paraprake.
Nga Prokuroria Publike Republikane thonë se në këtë rast të veçantë ekziston dyshimi i arsyeshëm se të dyshuarit, si bashkëpunëtorë, kanë kryer krimin e veprave të rënda kundër sigurisë publike midis 7 dhjetorit 2012 dhe 21 janarit 2022.
Të dyshuarit, si zyrtarë të punësuar në SP Shtip dhe Stacionin Policor Koçan, gjatë asaj periudhe kohore, si bashkëkryerës, nuk kanë vepruar në përputhje me rregulloret për masat mbrojtëse – nuk kanë kryer një kontroll të plotë dhe të detajuar në lidhje me dhënien e pëlqimit pozitiv për dhënien e licencës për kabarenë “Puls”, në fushën e sigurisë në trafik dhe rendit publik.
Me lëshimin e pëlqimit, të gjithë së bashku i kanë mundësuar personit juridik të merrte licencë për të kryer aktivitete hotelierike, edhe pse nuk i ka plotësuar kushtet e përcaktuara. Dhjetë nëpunësit policorë kanë marrë kallëzim penal lidhur me zjarrin në kabarenë Puls në Koçan, në të cilin kanë humbur jetën 61 persona, ndërsa mbi 200 janë lënduar.