Komisioni Qendror i Zgjedhjeve (KQZ) ka shpallur rezultatet përfundimtare të zgjedhjeve të 9 shkurtit pas më shumë se një muaji nga mbajtja e zgjedhjeve.
Kryetari i KQZ-së, Kreshnik Radoniqi ka thënë se procesi i numërimit ka qenë transparent.
Radoniqi ka thënë se institucionet kanë filluar hetimet për vonesat që kanë përcjellë procesin e shpalljes së rezultateve përfundimtare.
Ndarja e mandateve:
LVV – 42.30% ose 48 mandate
PDK – 20.95% ose 24 mandate
LDK – 18.27% ose 20 mandate
AAK NISMA- 7.06% ose 8 mandate
Lista Serbe – 4.26% ose 9 mandate
Partia serbe LDM – 1 mandat.
Partitë joserbe – 10 MANDATE
Radoniqi ka thënë se vonesat për shpalljen e rezultateve ishin për shkak të zbatimit të ndryshimeve të shumta ligjore e platformës elektronike.
”Ne jemi të vetëdijshëm që problemet me publikimin e rezultateve krijojnë mosbesim ne procesin zgjedhor. Të gjitha dilemat që janë krijuar jemi munduar t’i heqim pasi që në QKN kemi bërë verifikimin e votave të subjekteve politike. Problemet me publikimin e rezultateve kanë ndikuar negativisht me imazhin e KQZ-së prandaj kemi njoftuar të gjitha institucionet. Pavarësisht sfidave KQZ siguron që nuk është prekur integriteti i votës së qytetareve”.
Të gjithë anëtarët e KQZ-së votuan për duke mos kundërshtuar shpalljen e rezultateve të zgjedhjeve.