Shkup, 25 janar – Komisioni shtetëror zgjedhor (KSHZ) në ueb – faqen e vet e publikoi E-Reghjistrin e akteve nënligjore. Nga Komisioni sqarojnë se në E-Regjistrin mund të ketë qasje secili qytetar i cili dëshiron të marrë vesh se si ta shfrytëzojë të drejtën e vet të votës, kandidat i cili dëshiron të kandidojë në zgjedhjet e ardhshme dhe secila organizatë apo person i interesuar që dëshirojnë ta vëzhgojnë procesin zgjedhor.
“Në E-Regjistër është e mundshme qasja e lehtë drejt akteve nënligjore të Komisionit shtetëror zgjehdor, prej ku do të mund të informoheni për të drejtat tuaja në procesin zgjedhor, si dhe lidhur me punën e rregullt të Komisionit shtetëror zgjehdor”, ceket në kumtesë.
E-Regjistri i KSHZ-së është i kapshëm në linkun në vijim: https://eregistar.sec.mk/.
Është përpunuar në kuadër të projektit “Mbështetje për reformat zgjedhore” të Qeverisë së Zvicrës, implementuar nga Fondacioni ndërkombëtar për sisteme zgjedhore (IFES).