Analisti Shenoll Muharremi në një shkrim të fundit flet për një koalicion të mundshëm mes VV-së dhe PDK-së.
Muharremi përmes një shkrimi në rrjetin social Facebook, ka thënë se nga PDK kanë deklaruar se “po dëmtohen kur po përmendet koalicioni VV-PDK”.
“A e bënë koalicionin LVV-PDK Albin Kurti e Bedri Hamza në Paris? Disa miq nga PDK më thanë ‘po dëmtohemi kur po e përmend koalicionin LVV-PDK’. E një tjetër mik më tha ‘po i konvon LDK-së ky narrativ, a po e bënë këtë me ja ndihmu atyre?’. Një taksist, lexues i rregullit i imi dhe votuese i Kurtit, me tha ‘nuk don me lanë pa e shti dhe kthy PDK në qeveri”. Cila është e vërteta këtu?
Ka vetëm një të vërtetë, por gjithashtu edhe një fakt që ‘sulmohesh’ nga secila anë kur fjet diçka që është e pamvarur:) Kjo çka kam argumentuar me muaj tashmë nuk ka të bëjë aspak me dëmtu PDK, ka të bëjë me vazhde reformën. Nuk jam duke e ndihmuar LDK-në. Dhe nuk po mundohem me e ‘kthy’ PDK në qeveri. Nuk jam kundër LVV-së.” – ka shkruar ai.
Por sipas tij, koalicioni mes dy partive është në interes të Kosovës aktualisht.
“Koalicioni LVV-PDK është në interes të Kosovës aktualisht. Qeverisja e vetme nga Kurti me shokë e ka dëmtuar vet partinë e tij por edhe pozicioni i Kosovës tash nuk është më i mirë. Jeta është shumëëë më e shtrenjt, familjet nuk jetojnë më mirë. Në anën tjetër, LVV po qeverisë me legjitimitet të plotë, edhe pse 51% i fituan falë një frymë ndëshkuese saktësisht për PDK dhe LDK që kishin qeverisur gjatë. Por ajo kohë nuk ekziston më. Kemi pasur ndryshime gjeneracionale dhe kanë avancuar gjërat. Reformat duhet të vazhdojnë. Partitë opozitare duhet të fokusohen tek integriteti.” – ka shkruar Muharremi.