Organizata Komunale e Lidhjes së Luftëtarëve të LNÇ-së dhe luftës antifashiste dhe qytetarë të Tetovës, i kanë dërguar një letër të hapur Kryetarit të Komunës së Tetovës, Bilall Kasamit, ku kërkojnë që të mos ketë riemërime të rrugëve të qytetit me emra të së kaluarës antifashiste.
Njëkohësisht nga anëtarët e Këshillit kërkohet dhe bëhet thirrje që të mos ketë emërime të rrugëve dhe objekteve të infrastrukturës me emra të personaliteteve, ngjarjeve dhe datave që shënojnë personalitete ose grupe fashiste, terroriste, militariste ose radikale.
“Letra e hapur është shprehje publike e reagimit të ashpër, paralajmërimit dhe shqetësimeve të thella të Lidhjes shtetformuese të luftëtarëve të LNÇ-së dhe qytetarëve mbështetës nga Tetova, që vijnë pas paralajmërimeve shqetësuese të Kryetarit të Komunës së Tetovës, Bilall Kasamit, për ndryshimin e emrave të rrugëve të qytetit dhe përcaktimin e emrave për rrugët paraprakisht të paemëruara në territorin e Komunës” – thuhet në letrën e Lidhjes së Luftëtarëve të LNÇ-së nga Tetova.
Në këtë letër, sic thuhet, rikujtohet Kryetari I Komunës, Bilall Kasami, se sipas Kushtetutës, Ligjit dhe arsyes së shëndoshë, duhet të jetë kryebashkiak i të gjithë qytetarëve që jetojnë në komunë.
“Nëse mungesa e subjekteve politike në një process të caktuar, a ju jep të drejtë Juve të jeni Kryebashkaik vetëm i Shqiptarëve që jetojnë në Komunën Tuaj? Vallë Ju publikisht pranoni se jetojnë në komunitet fisesh edhe pse merrni rrogë nga të gjithë qytetarët dhe Ju nuk kujdeseni për të gjithë. Në kundërshtim me mosdijen tuaj juridike, Ligji për përcaktimin e emrave të rrugëve, shesheve, urave dhe objekteve tjera të infrastrukturës, në mënyrë eksplicite thotë se Vendimin për përcaktimin e emrave të rrugëve, shesheve, urave dhe objekteve tjera infrastrukturore në rajonin e Komunës e miraton Këshilli me shumicë votash, ku duhet të ketë shumicë votash edhe nga anëtarët prezent të Këshillit që I takojnë komuniteteve që nuk janë shumicë e popullsisë së Komunës” – thuhet në letrën e Lidhjes së LNÇ-së së Tetovës.
Në letër, sic thuhet, rikujtohet se ndryshimi I emrave të rrugëve, shesheve, urave dhe objekteve tjera të infrastrukturës, nuk guxon të bëhet 6 muaj para mbajtjes së zgjedhjeve të rregullta, si dhe pjesa e Ligjit ku thuhet se në listë nuk guxon të gjenden emra me të cilët cënohet imazhi i RMV-së, qytetarëve të Republikës dhe qytetarëve të shteteve tjera, si dhe cënohen marrëdhënëniet midis komuniteteve, zakonet dhe morali publik.
Letra e hapur është dërguar edhe në Qeveri, Ministritë si dhe në Ambasadat e BE-së dhe SHBA-së.