Një i mitur nga fshati Bukoviq i Shkupit është lënduar sot me një objekt të mprehtë nga një i mitur tjetër në afërsi të Qendrës Tregtare “Mavrovka” në Shkup. Ngjarja ka ndodhur rreth orës 13:30 të pasdites së sotme dhe më pas djali është transferuar në Klinikën Universitare për Sëmundje Kirurgjike “Shën Naum i Ohrit”.
“Sot (06.03.2024) rreth orës 13:30 në SPB Shkup është raportuar se në bulevardin “Goce Dellçev”, në afërsi të qendrës tregtare “Mavrovka”, është lënduar një të mitur nga fshati Bukoviq i Shkupit i cili është goditur nga një mjet i mprehtë nga një i mitur tjetër nga fshati Bojanë i Shkupit”, njoftojnë nga MPB.