Për emërimin e Ivan Stollkoviqit në krye të ministrisë për Bashkësitë, Ilire Dauti tha se duhet të ketë reagime të rrepta nga ana e VLEN-it pasi sipas saj, një person që ka një të kaluar si Stollkoviq nuk mund të jetë udhëheqës i ministrisë.
Përveç tjerash, Dauti tha se kjo është një provokim dhe shtoi se po habitet me qetësinë që kanë nga koalicioni VLEN përveç se një deklarimi se ne nuk e përshëndesin.
“Në politikë duhet reagim, duhet reagim i rreptë. Ai i njeri i cili përfaqëson atë që sapo deklarova nuk mundet të vijë në krye të një ministrie që do të merret me bashkësitë etnike ku dihet se ajo ministri në të kaluarën, tetë shqiptarë në të kaluarën kanë qenë që janë kujdesur edhe për Marrëveshjen e Ohrit me gjithë ato kritikat që ne i kemi bërë vazhdimisht dhe që po vazhdojnë ende të vlejnë se nuk është bërë sa duhet. Megjithatë ta biesh atë ministri në atë nivel kjo përveç tjerash është edhe provokim dhe unë çuditem me qetësinë që ato e kanë përveç se një deklarimi se ne nuk e përshëndesim pro tamam puna të dalin edhe ta përshëndesin” tha Ilire Dauti.