Deputeti i pavarur Ilir Demiri i cili së bashku me deputetët e VMRO-së, VLEN-it, ZNAM=it dhe Levicës votoi pro ndryshimeve ligjore të cilat e mundësuan që nga 1 shkurti të fillojë sistemi Qyteti i Sigurt, ka reaguar duke thënë se ndryshimet ligjore do kalonin edhe pa votën e tij, raporton Portalb.mk.
Demiri i cili deri para pak muajsh ishte deputet i Aleancës për Shqiptarët të Ziadin Selës, tani i pavarur, tha se
Ai thotë se kjo pikë e rendit të ditës do të kalonte pavarësisht votës sime, pasi ligji do të miratohej edhe me shumicë të cilësuar.
“Pavarësisht kësaj, qëndrimi im pro Safe City buron nga bindja ime se ky projekt nuk është në dëm të qytetarëve, por përkundrazi kontribuon në rritjen e rendit dhe sigurisë publike. Për këtë qëndrim timin, nuk ka pasur asnjë presion ndaj meje, sepse as nuk do ta kisha lejuar një gjë të këtillë kurrë dhe për asgjë”, tha Demiri.
Ai thotë se pretendimi se vota e tij ka qenë kundër shqiptarëve është i pavërtetë, i pabazuar dhe naiv.
“Statistikat zyrtare sipas të dhënave nga Regjistrimi i Popullsisë në vitin 2021, tregojnë qartë se ky projekt nuk targeton asnjë komunitet, por zbatohet në qytetet më të mëdha, për të gjithë qytetarët. Unë do jem ai i cili do kërkoj që ky projekt të vazhdojë të instalohet, e të funksionojë edhe në qytetet tjera”, tha Demiri.
LEXO: “Qyteti i Sigurt” do të dërgojë edhe fotografi, si do të paguhen gjobat?
Deputetët e Maqedonisë së Veriut më 23 janar votuan për ndryshimet në Ligjin për Kundërvajtje, me të cilin mundësohet që sistemi Qyteti i Sigurt të hyjë në fuqi nga 1 shkurti.
Gjithsej votuan 100 deputetë, 81 “për” dhe 19 “kundër“. Por votuan deputetët e VMRO–DPMNE, VLEN, ZNAM, Levica dhe deputeti i pavarur Ilir Demiri si dhe Bejxhan Iliaz. Deputetët e BDI-së dhe LSDM-së ishin kundër.
Sipas pushtetit ky sistem do të rrisë sigurinë në trafik, ndërsa sipas opozitës ka kritika të ndryshme për mangëi të sistemit.
Ndryshe, kamerat “Qytet i Sigurt” të instaluara në Shkup, Tetovë dhe Kumanovë regjistrojnë automatikisht shkeljet e trafikut duke filluar nga 1 dhjetori. Ishte planifikuar që gjobat të fillojnë të zbatohen nga 1 janar 2026, mirëpo kjo është shtyrë për në 1 shkurt 2026. Synimi është që deri në vitin 2030 të zvogëlohet dhe të përgjysmohet numri i aksidenteve në trafik.
Krahas tre qyteteve, pajisjet për “Qytetin e Sigurt“ janë vendosur dhe në fazën fillestare duhet të fillojnë të implementohen edhe në korridoret 8 dhe 10.