Hoxha i njohur Bedri Lika ka reaguar ashpër pas zgjedhjeve lokale në Komunën e Butelit, duke drejtuar kritika të forta ndaj shqiptarëve që kanë votuar për kryetarin e ri, Darko Kostovski.
Në një postim publik, Lika shkruan se Kostovski “pretendon të jetë kryetar i barabartë për të gjithë qytetarët e Butelit, edhe pse në këtë komunë jetojnë banorë të përkatësisë islame dhe të krishterë”. Ai shton se veprimi i parë i Kostovskit në detyrë – fotografimi pranë kishës dhe jo në zyrat e komunës – tregon, sipas tij, një vazhdimësi të diskriminimit ndaj shqiptarëve dhe myslimanëve.
“Në ditën e parë të mandatit, në vend që të fotografohet nga zyret e komunës, fotografohet pas kishës për ta dëshmuar se do të vazhdojmë me diskriminim. Nëse nuk i hapni sytë, do t’ua hapin!”, ka shkruar Lika.
Reagimi i hoxhës ka shkaktuar debat në rrjetet sociale, ku një pjesë e qytetarëve e mbështesin qëndrimin e tij, ndërsa të tjerë e konsiderojnë si retorikë përçarëse pas zgjedhjeve.