sh-komandanti i UÇK-së, Xhezair Shaqiri – i njohur si “Komandant Hoxha” përmes një postimi në rrjete sociale ka nxjerrë për herë të parë në dritë një fakt të panjohur për publikun: praninë e diplomatit të lartë amerikan, Riçard Hollbruk në fshatin Tanushë gjatë fillimit të luftimeve në vitin 2001 midis UÇK-së dhe forcave maqedonase të sigurisë, përcjell INA.
Marketing
Sipas Shaqirit, Hollbruk i njohur botërisht për rolin e tij në arritjen e Marrëveshjes së Dejtonit dhe për ndërhyrjet vendimtare në Ballkan – kishte qëndruar në Tanushë në një periudhë kur kriza e armatosur sapo kishte shpërthyer në Maqedoninë e Veriut në pranverën e 2001.
“Histori e pa rrëfyer. Politikani i rangut botëror, Richard Holbrooke, në Tanushë më 2001 – në fillimin e konfliktit mes UÇK-së dhe forcave qeveritare maqedonase.
A e dini që politikani amerikan Richard Holbrooke, në vitin 2001, ka qenë në Tanushë? A mund të na tregojë dikush cili ka qenë misioni i Holbrooke në Tanushë në vitin 2001? Prezencën e Holbrooke në Tanushë e dinë vetëm UÇK-ja dhe politika amerikane e Maqedonisë”, nënvizoi Shaqiri.
Sipas tij, kjo vizitë, e mbajtur e fshehur për më shumë se dy dekada, sipas tij, ishte e njohur vetëm për krerët e UÇK-së dhe për diplomacinë amerikane e qeverinë në Shkup.
