Presidenti i Francës, Emmanuel Macron, ka thënë se vendi i tij mund të marrë vendim për ta njohur një shtet palestinez qysh në qershor të këtij viti.
Ai në një intervistë për kanalin “France 5” ka treguar se synimi është të merret vendimi në konferencën e përbashkët të Kombeve të Bashkuara që do ta bashkëkryesojë me Arabinë Saudite në New York në qershor.
“Ne duhet të shkojmë drejt njohjes dhe për këtë arsye, në muajt e ardhshëm do ta bëjmë këtë”, tha ai në një intervistë për kanalin France 5. “Qëllimi ynë është diku në qershor, kur ne, me Arabinë Saudite, do të kryesojmë këtë konferencë ku mund të finalizojmë këtë lëvizje të njohjes reciproke nga shumë njerëz”.