Edon Zhegrova po kalon sezonin e tij më të mirë në karrierë, duke u bërë një lojtari kyç për skuadrën e Lille në edicionin 2024/25. Ylli kosovar ka shënuar gola të rëndësishëm për ekipin e tij, dhe statistikat e tij në këtë fillimsezon flasin vetë.
Zhegrova kryeson listën e dribluesve më të mirë në pesë ligat më të forta europiane, duke lënë pas emra të njohur si Kylian Mbappé, Lamine Yamal, Vinicius Junior dhe Kvaratskhelia.
Në këtë sezon, ai ka realizuar 28 driblime të suksesshme nga 52 tentativa, duke arritur një përqindje prej 54% në driblime, sipas faqes sportive “The Pop Foot”.
Përveç kësaj, 25-vjeçari ka shënuar gjithsej gjashtë gola në tetë ndeshje, përfshirë edhe ato kualifikuese për Ligën e Kampionëve.