Kandidati ynë Maksim Dimitrievski shpejt i mblodhi nënshkrimet dhe sa i përket regjistrimit, 40 për qind e votuesve mund të mos jetë numër shumë i madh sepse presidenti duhet të zgjidhet me një legjitimitet të caktuar, thotë Boban Karapejovski nga Bordi Ekzekutiv i partisë “ZNAM” në emisionin “24 Analizë” në TV24, informon PRESSonline.al
Dhe për ZNAM-in, zgjedhja e një presidenti në Kuvend është e papranueshme sepse e vë në pikëpyetje pavarësinë e tij dhe do të çojë në shantazhe nga të cilat dikush do të përfitojë.
“Qëndrimi i partive shqiptare në Maqedoni është etnocentrik sepse besojnë se kandidat për president mund të jetë vetëm një shqiptar që është anëtar i këtyre partive. Nëse ka një person me kredibilitet, dhe ka shqiptarë në partitë tjera, mund të zgjidhet edhe president shqiptar”, thotë Karapejovski, përcjell PRESSonline.al
“Maqedonia nuk është federatë, që të ketë mundësi që shkohet me parimin fitues me fitues”, thotë Karapejovski dhe shton se votat nuk mund të numërohen veçmas për shqiptarët, veçmas për maqedonasit. Kështu del se maqedonasit janë qytetarë të dorës së dytë në Maqedoni, shton ai. Si shoqëri duhet ta kapërcejmë këtë koncept, por duhen njerëz dhe ide cilësore pavarësisht se nga cila parti politike vijnë, por ato duhet të vlejnë për të gjithë qytetarët dhe jo vetëm për grupe të caktuara votuesish.