Presidenti i zgjedhur i Shteteve të Bashkuara, Donald Trump, është fotografuar gjatë një dreke në West Palm Beach, Florida, ku ishte i shoqëruar nga disa anëtarë të komunitetit shqiptaro-amerikan.
Fotografia, e publikuar nga Zef M. Gjelaj me mbishkrimin “Lunch with the big boss!!!!!”, është shpërndarë gjerësisht në rrjetet sociale, duke tërhequr vëmendjen e mbështetësve të Trump-it. Sipas identifikimeve të bëra nga Martin Vulaj, në foto ndodhen Anton Dedvukaj, Vasel Juncaj, Sokol dhe Paul Martini (i kthyer me shpinë nga kamera).
Takimi përpara inaugurimit të mandatit të dytë
Kjo drekë u zhvillua pak ditë para 20 janarit 2025, datës kur Donald Trump do të bëjë betimin për të marrë zyrtarisht mandatin e tij të dytë si President i SHBA-së. Ky zhvillim është duke u ndjekur me interes të madh nga mbështetësit e tij, përfshirë komunitetin shqiptaro-amerikan, i cili ka treguar vazhdimisht përkrahjen e tij për Trump-in.
Takime të tilla theksojnë lidhjet e forta mes komunitetit shqiptaro-amerikan dhe administratës së Trump-it, duke nxitur diskutime mbi angazhimin e tij të ardhshëm me këtë diasporë.