Mbrëmjen e kaluar, banorët e “Big Brother Vip Kosova” përjetuan momente mjaft të tensionuara. Debatet mes tyre arritën deri në përplasje fizike, duke shqetësuar ndjekësit e reality show-t dhe krijuar reagime të forta në rrjet.
Moderatori Alaudin Hamiti reagoi sot për këtë situatë, duke ndarë me ndjekësit një çast të qetë pas gjithë zhurmës. Ai postoi një foto në instastory, ku shihet duke shikuar banorët, e pamja shoqërohet me disa ëmbëlsira.
“Pak ëmbëlsi pas një ‘tërmeti’ në shtëpinë më të famshme në vend,” shkroi Hamiti, duke lënë të kuptohet se atmosfera në shtëpi ka qenë e vështirë, por po punohet për qetësimin e situatës.
