Operacioni ushtarak i Izraelit i njohur si operacioni i “pagerëve” ka pasur një kosto prej rreth 1 miliard shekelësh, që përkthehet në afërsisht 270 milionë dollarë amerikanë, sipas vlerësimeve financiare të publikuara në media izraelite.
Shifra përfshin shpenzimet direkte operative dhe teknologjike të një prej operacioneve më komplekse dhe më të kushtueshme të ushtrisë izraelite. Kjo kosto është vetëm një pjesë e barrës financiare më të gjerë që luftimet e zgjatura po i shkaktojnë buxhetit shtetëror dhe ekonomisë së Izraelit.
Sipas analistëve, shpenzimet ushtarake në rritje po ushtrojnë presion të konsiderueshëm mbi financat publike, ndërsa qeveria izraelite po përballet me nevojën për rishikim të prioriteteve buxhetore në kushtet e një konflikti të vazhdueshëm.