Si Kreshnik Bekteshi, çdo herë do të kujdesem për qytetarët të cilët janë në tentim të përhershëm të majorizimit dhe frikësimit, siç janë bashkatdhetarët e mi në Ohër, Resnjë, Krushevë, Dollnen… Kështu shkruan në reagimin e tij ish-ministri i Ekonomisë, Kreshnik Bekteshi, i cili ditë më parë është paditur nën pretekstin se ka ndërhyrë në punën e policisë së Ohrit një ditë para zgjedhjeve.
Brekteshi shkruan se “më 7 maj, në cilësinë e koordinatorit të Frontit Europian në njësinë Zgjedhore 5, nga shtabi i Frontit Europian në Ohër mora informacion se në ditën e heshtjes zgjedhore, kryetari i shtabit dhe anëtarët e shtabit janë kontrolluar nga SPB-Ohër, e cila është një ndërhyrje e drejtpërdrejtë në procesin zgjedhor nga SPB-Ohër”.
Reagimi i plotë i ish-ministrit Kreshnik Bekteshi
Përndjekja politike, qëllimi i frikësimit nuk do t’ju kalojë!
Më 7 maj, në cilësinë e koordinatorit të Frontit Europian në njësinë Zgjedhore 5, nga shtabi i Frontit Europian në Ohër mora informacion se në ditën e heshtjes zgjedhore, kryetari i shtabit dhe anëtarët e shtabit janë kontrolluar nga SPB-Ohër, e cila është një ndërhyrje e drejtpërdrejtë në procesin zgjedhor nga SPB-Ohër.
Duke pasur parasysh që detyra e shefit të sektorit është të sigurojë zgjedhje të ndershme dhe demokratike, më poshtë është mesazhi që unë i dërgova si një person që ka përgjegjësi edhe për procesin zgjedhor.
Por ky nuk është qëllimi i tyre, (gjykoni vetë nga porosia më poshtë) qëllimi i tyre është hakmarrja për debaklin që u dhanë qytetarët më 8 maj!
Si Kreshnik Bekteshi, çdo herë do të kujdesem për qytetarët të cilët janë në tentim të përhershëm të majorizimit dhe frikësimit, siç janë bashkatdhetarët e mi në Ohër, Resnjë, Krushevë, Dollnen etj.
Dhe në këtë, asgjë përveç Zotit nuk mund të më ndaloj.
Zgjedhjet e ardhshme do tu ndodh populli!
(sidomos këtyre bashkëpuntorëve të Sinishës, që vasalitetin e kan shëndërru në tradhëti të kombit të vet)
Ju dua të gjithë juve aktivistë, votues; dhe ata që nuk votuan për opsionin tonë dhe e di që ndjehen të tradhtuar nga vasalët
Unë jam këtu, edhe më i fortë për të mbrojtur objektivin tonë kundër majorizimit dhe shantazhit.