BDI ka reaguar për përfaqësimit e shqiptarëve në pozita kyçe në institucionet shtetërore. Nga kjo parti thonë se pas shfuqizimit të “Balancuesit” nga Gjykata Kushtetuese, sipas partisë, shqiptarët janë pothuajse të përjashtuar nga institucione si Presidenca, Banka Popullore dhe MEPSO.
Integristët kërkojnë masa urgjente dhe miratimin e një ligji të ri për përfaqësim të drejtë, duke theksuar rëndësinë e Marrëveshjes së Ohrit si garanci për barazi dhe stabilitet ndëretnik.
“Përfaqësimi i drejtë dhe adekuat i të gjitha komuniteteve është një shtyllë themelore e Marrëveshjes së Ohrit dhe një parakusht për një shoqëri të barabartë dhe demokratike. Ne u bëjmë thirrje institucioneve përkatëse që të ndërmarrin masa urgjente për të adresuar këtë pabarazi dhe për të siguruar përfaqësim të drejtë të shqiptarëve në të gjitha nivelet e administratës publike”, thonë nga partia.