Avdullah Hoti ka dhënë dorëheqje nga të gjitha pozitat që mbante në Lidhjen Demokratike të Kosovës (LDK).
Burime të Gazeta Minuti, brenda rrethit të
ngushtë të tij, bëjnë të ditur se dorëheqja e Hotit vjen pas zhvillimeve në Kuvendin e LDK-së, ku ai kishte shpallur kandidaturën për kryetar të partisë.
Megjithatë, kandidatura e tij nuk ka hyrë fare në votim, pasi Kuvendi i LDK-së ka votuar për vazhdimin e mandatit të Lumir Abdixhikut në krye të partisë.
Hoti kishte paralajmëruar edhe më herët se do të japë dorëheqje, duke e konsideruar këtë si akt përgjegjësie politike pas procesit zgjedhor të 28 dhjetorit.
Deri më tani, nga LDK nuk ka pasur një njoftim zyrtar lidhur me hapat e ardhshëm pas dorëheqjes së Hotit.