Në Tetovë sot u vendos një billbord ku denoncohej shitja e tokës publike me 1 euro/m². Mesazhi ishte i qartë dhe godiste drejt në zemër të pushtetit. Por si duket e vërteta paska djegur keq – sepse billbordi nuk qëndroi as një orë. Me urdhër nga lart, u hoq menjëherë.
Ky gjest është shembulli i pastër i censurës dhe standardit të dyfishtë. Kujtojmë se vetë Bilall Kasami, sapo mori drejtimin e Komunës së Tetovës, vendosi një billbord gjigant me borxhin e trashëguar nga Teuta Arifi, i cili qëndroi i ekspozuar për gjashtë muaj pa u prekur.
Kur kritikon kundërshtarin, është “transparencë”. Kur ekspozon realitetin e pushtetit aktual, është “e ndaluar”. Ky është definicioni i regjimit, servilizmit dhe diktaturës në praktikë.
Tetova sot mori edhe një provë tjetër se pushteti ka frikë nga e vërteta, dhe kjo frikë është arma më e fortë kundër tyre