Kandidati i AKI-së për komunën e Strugës, Arsim Dalipi, ka reaguar ndaj oponentit të tij, Mendi Qyra, lidhur me deklaratën e sotme se një aktivist i AKI-së ka sulmuar një të punësuar shkollën e fshatit Ladorisht.
Për Arsim Dalipin është vetëm një përpjekje për të keqpërdorur një rast individual brenda një kolektivi pune dhe për ta shndëruar atë në një sulm politik.
Sipas Dalipit kjo gjuhë është gjuhë e humbjes dhe e frikës nga dështimi në zgjedhje.
Reagimi i plotë i Arsim Dalipit
Sot po përpiqen të keqpërdorin një rast individual brenda një kolektivi pune, për ta shndërruar në sulm politik.
Kjo është gjuha e humbjes dhe e frikës nga dështimi.
Asnjë dhunë nuk justifikohet, por po aq e turpshme është të manipulohet me njerëz e me institucione për përfitime elektorale.
Ata që prej ditësh sjellin për presione kryeministër, zv.kryeministra, ministra e funksionarë për “të kapur” në Strugën për veshi, sot luajnë viktimën!
E vërteta është e qartë: qytetarët e Strugës e dinë kush punon dhe kush përhap tymnajë.
Nervozizmi i tyre vjen nga humbja që po afrohet, sepse Mendi Qyra e ka provuar edhe në 2009 sepse as asfaltet, as format tjera që Mendiu di ti bej, e as propagandat nuk e fshehin dot realitetin.
AKI dhe ekipi i saj kanë fituar respektin me punë dhe përkushtim, jo me fyerje e trillime.
Ne do të vazhdojmë të mbrojmë dinjitetin e çdo qytetari dhe të luftojmë për institucione të pastra, pa presione e pa urrejtje.