Sektori për Punë të Brendshme-Tetovë njofton se mbrëmë ka privuar nga liria 36 vjeçarin L.Z. pasi gjatë një kontrolli tek ai është gjetur dhe konfiskuar kokainë. Policia punon në zbardhjen e rastit, shkruan Alsat.
“Efektivët e policisë të SPB-Tetovë, mbrëma (07-mars) rreth orës 22.00 në Bogovinë të Tetovës, kanë privuar nga liria 36-vjeçarin L.Z. nga ky fshat për arsye se gjatë kontrollit të kryer ndaj tij tek ai është gjet dhe konfiskuar kokainë. Gjithashtu, për shkak të dyshimit se buron nga një vepër penale “falsifikim”, nga ai përkohësisht është konfiskuar vetura “audi” me shenjat e regjistrimit të Tetovës, të cilën ai e drejtonte. Personi në fjalë është ndaluar në Stacionin Policor të Tetovës dhe pas zbardhjes dhe dokumentimit të plotë të rastit kundër tij do të përgatiten parashtresa përkatëse”, thuhet në njoftimin e SPB-Tetovë.