Aktivisti i ASH-së nga Tetova, Latif Arifi ka komentuar publikimin e Taravarit për protestën e motrave medicinale të Spitalit të Tetovës, informon “tetova1”.
Arifi në facebook ka shkruar:
“Sa keq… Për të ardhur vërtet keq.
Të derdhësh sot lotët e krokodilit për motrat medicinale të Tetovës, kur pikërisht ti, si ministër i Shëndetësisë, i le pa vendim, pa kontratë dhe pa rrogë, është fyese. Jo vetëm për ta, por për të gjithë ata që kanë ende ndjenjë përgjegjësie në këtë vend.
Mos u përpiq të shpëtosh fytyrën me drama të rreme. Të gjithë e dimë pse u largove nga kjo Qeveri!
Sa ironike dhe e trishtueshme është që për tenderin e parkingut me “Gjoka-n” tregove më shumë zell, kujdes dhe përkushtim, sesa për këto nëna, motra dhe vajza që mbajnë në këmbë shëndetësinë. E tani, kur duhet të japësh llogari, zgjedh të viktimizohesh, si të ishe ti i tradhtuari.
Por le të jetë e qartë për të gjithë: përgjegjësia për këtë gjendje bie mbi supet e tua. Mund të përpiqesh t’i ikësh, mund të bërtasësh fort për t’i mbuluar gjurmët, por e vërteta gjithmonë del në shesh dhe ajo nuk është në anën tënde.
Tetori afër…përgatitu…”, përfundon Arifi.
Kurse Arben Taravari në një publikim më herët shkruante:
“Arsyet pse kam lëshuar këtë Qeveri po bëhen gjithnjë e më shumë të qarta.
Një rast i dhimbshëm është ai i motrave medicinale të spitalit të Tetovës të cilat janë pa vendim dhe pa rrogë.
I kërkoja me insistim punësimet e tyre por VLEN e kundërshtonte, sepse ata donin punësime partiake!!!”
Arifi mesazh Taravarit: Si ministër i Shëndetësisë, i le pa vendim, pa kontratë dhe pa rrogë motrat medicinale të Tetovës
