Sulmuesi i Kombëtares së Shqipërisë, Arbër Hoxha ka reaguar në “Instagram” pas eliminimit të kuqezinjve nga Kampionati Evropian Euro 2024. Pavarësisht paraqitjeve të mira, Shqipëria nuk arriti të bënte mrekullinë dhe u eliminua mbrëmë nga Euro 2024 pas humbjes 1:0 nga Spanja. Hoxha tha se i është realizuar një ëndërr, dhe se është tejet krenarë që është shqiptarë.
“Fillimisht faleminderit të gjithë atyre që më bënë të mundur realizimin e ëndrrës sime të madhe, nuk ka sukses më të lartë për një sportist se të veshë dhe të ndjejë ngjyrat më të bukura të kombit tonë, faleminderit tifoz të mrekullueshëm për këto emocione të pa përjetuara më parë, se unë jam krenar ama shumë krenar qe jam Shqiptar”, shkruan Arbër Hoxha në profilin e tij në “Instagram”./KosovaPress