Feta Alimi, i dënuar për hapjen e dyerve në Kuvend gjatë ngjarjeve të 27 Prillit dhe aktualisht anëtar i VLEN-it, nuk është prononcuar lidhur me vendimin për lirimin dhe dëmshpërblimin e organizatorëve të këtij rasti.
Në të njëjtën linjë, edhe Arben Taravari, një nga figurat kryesore të qeverisë aktuale, ka zgjedhur të mos komentojë këtë çështje. Heshtja e tyre ngre pikëpyetje nëse bëhet fjalë për mungesë fuqie politike apo për një qëndrim të qëllimshëm si pjesë e kësaj qeverie.
Ndërkohë, heshtja e tyre është vënë në pah nga opinioni publik, teksa ata janë të angazhuar në fushatën zgjedhore për zgjedhjet në Kosovë, duke shmangur komentet për një çështje që ka ngjallur reagime të forta në Maqedoninë e Veriut.