Gjuha e urrejtjes nuk ka vend – as në sport, as në shoqëri
Ambasadori i Shqipërisë në Maqedoninë e Veriut, Denion Meidani, ka reaguar pas thirrjeve skandaloze dhe fyese kundër shqiptarëve të dëgjuara gjatë një ndeshjeje basketbolli në Kumanovë. Ai e cilësoi ngjarjen si një alarm serioz për shoqërinë dhe kërkoi reagim të qartë dhe me përgjegjësi nga autoritetet më të larta të vendit.
“Gjuha e urrejtjes nuk ka vend në sport – as në shoqëri. Thirrjet fyese në Kumanovë janë një sinjal i rrezikshëm që s’mund të injorohet,” u shpreh Meidani në reagimin e tij.
Ai theksoi se bashkëjetesa ndëretnike nuk është automatike, por kërkon përkushtim të përditshëm dhe respekt të ndërsjellë, jo vetëm në fushën e sportit, por në çdo hapësirë publike.
Ambasadori konfirmoi se po ndjek me vëmendje reagimet zyrtare dhe bëri thirrje për qëndrim të qartë, të fortë dhe të përgjegjshëm nga institucionet e Maqedonisë së Veriut.
Në fund, ai e mbylli mesazhin me theks të fortë mbi vlerat e përbashkëta europiane dhe rëndësinë e ndaljes së gjuhës së urrejtjes në Ballkan:
#Respekt #Bashkëjetesë #SportPaUrrejtje #Shqiptarët #Kumanovë #Ballkani #EArdhmjaEuropiane.