Analisti Gent Aliu nga Shkupi, ka reaguar ndaj aktivitetit të fundit të kreut të Lëvizjes Demokratike, Izet Mexhiti, në rrjetet sociale.
“Kur e sheh që nuk po të dalin matematikat me popullin tënd, fton kinezët në ndihmë. Izet Mexhiti blen 5.000 like për t’i bë karshillëk Ali Ahmetit dhe Bujar Osmanit,” deklaroi Aliu.
Ai tha se kjo dukuri është e dukshme për këdo që hyn në faqen e Mexhitit.
“Nuk besoni? Hyni te faqja e Izetit dhe shikoni – klikoni kush i ka bërë like,” theksoi Aliu.
Sipas tij, blerja e pëlqimeve nuk është një praktikë e izoluar vetëm tek një individ i caktuar, por një fenomen më i gjerë në politikë.
“Është e zakonshme që politikanë të angazhojnë stafin e tyre për të blerë pëlqime, shikime dhe shpërndarje në postimet e tyre në rrjetet sociale,” shtoi Aliu, i pyetur nga Flaka për ta komentuar postimin e tij në Facebook.