Komisioni Qëndror i Aleancës për Shqiptarët ka mbajtur takim me kordinatorët e degëve, duke shënuar nisjen e procesit të ristrukturimit të brendshëm të partisë.
Periudha në vijim do të shënohet nga zgjedhja e kordinatorëve të strukturave lokale, formimi i nëndegëve, zhvillimi i kuvendeve të degëve dhe, në fund, mbajtja e Kongresit të rregullt të partisë.
Aleanca për Shqiptarët synon të konsolidohet si forca më e besueshme dhe e fuqishme politike për komunitetin shqiptar, duke reflektuar mbështetjen gjithnjë në rritje nga qytetarët dhe interesimin për t’u bashkuar me radhët e saj.
“Ky proces përforcon strukturat tona dhe na afron drejt qëllimit për t’u bërë një subjekt politik më i organizuar dhe më efektiv në shërbim të qytetarëve,” theksojnë nga Aleanca për Shqiptarët.