Zëvendëskryeministri dhe kandidat i VLEN-it për Komunën e Çairit, Izet Mexhiti ngjarjen në Manastir, konkretisht praninën e delegacionit të qeverisë serbe dhe akademinë që i kushtohet pushtimit setë Maqedonisë dhe Kosovës, nuk e konsideron si diçka tragjike, pro vetëm si aktivitet kulturor i serbëve, të cilët jetojnë edhe në Maqedoni të Veriut
“Është një aktivitet kulturor, ne serbët nuk mund ti tjetërsojmë, ato janë serb dhe kanë bërë një aktivitet, thjesht një vizitë të aktivitetit kulturor. Uroj që të reformohen, të mendojnë për të mirën e Ballkanit, mos të kontribuojnë sikur në të kaluarën siç kanë kontribuar”, theksoi Mexhiti. Megjithatë ai tha se për dallim që më parë ministrat rus apo serb janë pritur nga ministra të BDI-së, tani ndodh që askush nga ministrat e VLEN, nuk del të pres delegacionin serb në Maqedoni.
“Nuk mund të krahasohet kjo tendenca se është e barabartë me qeverinë e kaluar. Unë si zëvendëskryeministër nuk kam dalë ti pres, prej juve mediave e kam dëgjuar që ka ardhur një ministër në aktivitet kulturor, për dallim nga ish-ministri i Jashtëm që ia mundësoj vizitën e vetme dhe të parën në Evropë ministrit të jashtëm rus Lavrov. Kur askush në Evropë, nuk dëshironte ta pranojë Lavrovin, ishte BDI dhe z. Osmani që me krejt nishanet e pritën në Shkup dhe ia mundësuan që Llavrovi ta shkel Evropën”, theksoi Mexhiti.