Aktakuza kundër Milan RadoiÇiÇ-it me shumë gjasa nuk do të ngrihet – sepse “nuk ka prova të mjaftueshme”, raporton agjencia e lajmeve BETA duke u bazuar në një burim në prokurorinë serbe
Sipas BETA, Prokuroria e Lartë Publike në Beograd ende nuk ka marrë vendim për ngritjen e aktakuzës kundër ish-nënkryetarit të Listës Serbe, Milan Radoičić në lidhje me sulmin në fshatin Banjskë më 24 shtator 2023, ndonëse kryeprokurori Nenad Stefanović e kishte paralajmëruar këtë një muaj e gjysmë më parë.
Prokuroria e Lartë Publike në Beograd nuk ka dhënë përgjigje në dy kërkesa zyrtare të agjencisë BETA të shoqëruara me pyetjen nëse dhe kur do të ngrihet aktakuza kundër Radoičić.
Gazetarit të agjencisë BETA i është thënë jozyrtarisht se për ngritjen e aktakuzës vendosin prokurorët Nenad Stefanović dhe Nikola Pantelić, por që në këtë rast nuk është vendosur bashkëpunimi i nevojshëm me EULEX-in.
“Edhe pse ka pranuar se ka organizuar grupin e armatosur, Radoičić me shumë gjasa nuk do të akuzohet pasi nuk ka mjaftueshëm prova…”, tha për BETA një burim nga Prokuroria e Lartë Publike.
Kryeprokurori Nenad Stefanović deklaroi në fillim të dhjetorit se në fund të vitit 2024 ose në fillim të këtij viti do të merret vendimi për ngritjen e aktakuzës për rastin Banjska, duke kujtuar se është nisur hetimi kundër ish-nënkryetarit të Listës Serbe, Milan Radoičić, për atë rast.
Enver Robelli