Agjencia për Siguri Kombëtare (ASK) sot kumtoi se fillon me zbatimin e testimit poligrafik. Testimi poligrafik do të zbatohet si hap i obligueshëm në procesin e selektimit të personave për punësim, në procedurat për kontroll të integritetit profesional të të punësuarve, gjatë kryerjes së kontrolleve të sigurisë për të cilat kompetente është Agjencia, si dhe në të gjitha rastet tjera në pajtim me Ligjin për Agjencinë për Siguri Kombëtare.
Në kumtesë theksohet se obligimi ligjor për zbatimin e testimit poligrafik është parashikuar me themelimin e Agjencisë në vitin 2010.
“Drejtori i Agjencisë për Siguri Kombëtare në fjalimet publike premtoi se me siguri fillon periudha e përmbushjes së detyrimeve ligjore të pazbatuara, me qëllim të arritjes së standardeve më të larta të integritetit, besimit dhe profesionalitetit në punë. Me vendosjen e testimit poligrafik në Agjenci njëkohësisht realizohet premtimi i dhënë dhe detyrimi ligjor përmbushet plotësisht”, kumtuan nga ASK.
Shtohet se Agjencia për Siguri Kombëtare disponon me informata nga niveli më i lartë i besueshmërisë.
“Zbatimi i poligrafit paraqet një metodë për vlerësim që do të mundësojë selektimin e kuadrit i cili i plotëson kriteret më të larta etike dhe profesionale për punë, verifikimin e përshtatshmërisë së sigurisë së punonjësve dhe minimizimin e rreziqeve nga aktivitetet e mundshme komprometuese që do të siguronin interesat e sigurisë”, sqarojnë nga ASK.
Me zbatimin e testimit poligrafik, thonë nga ASK, bëhet një hap i rëndësishëm drejt ndërtimit të besimit, avancimi i praktikave të sigurisë dhe standardeve dhe krijimi i një mjedisi në të cilin integriteti dhe profesionaliteti do të jenë parime bazë në punën e Agjencisë për siguri kombëtare.