HBA është partneri më i rëndësishëm strategjik i Maqedonisë së Veriut dhe qëllimi i saj është ta mbështesë, jo për të ndërhyrë në punët e brendshme të vendit, deklaroi ambasadorja amerikane Angela Ageler në një intervistë për emisionin “200” në Alsat
E pyetur për deklaratën e kryeministrit Hristijan Mickoski se po bëhet praktikë ambasadorët të përzihen në punët e brendshme të vendit, ajo thotë se nuk ka menduar për këtë.
“Qëllimi ynë asnjëherë nuk është të ndërhyjmë. Qëllimi ynë gjithmonë ka qenë t’ju mbështesim. Vendimet të cilat merren në Këshillin Gjyqësor, ose sinqerisht, në cilindo organ tjetër në suaza të gjyqësisë, janë vendime vetëm të udhëheqësve të këtij vendi. Ne nuk tregojmë se kush duhet të ulet në cilëndo gjykatë. Ne nuk tregojmë se kush duhet të jetë anëtar i ndonjë këshilli. Nëse ka korrupsion me shtrirje të gjerë në gjyqësi? Po. Kur mbështetja publike dhe besimi në gjyqësi është 2 për qind, kjo është zhgënjyese“, tha Ageler.
Lidhur me emrin kushtetuese, Ageler tha se SHBA qartë ka vënë në dijeni se marrëveshjet ndërkombëtare duhet të respektohen që vendi të ecë përpara. Sipas saj, debati për përdorimin gjegjësisht mospërdorimin e emrit kushtetues është defokusim i çështjeve të cilat janë të rëndësishme për votuesit.
“Mendoj se kryeministri ose minisrat e tij nuk e bënë këtë. Është për keqardhje që presidentja, e cila u betua, nuk e përdori emrin kushtetues. Mendoj se kemi parë që kjo rezultoi me një diskutim rrjedhës – nëse është jashtë presidencës ose jo, jashtë atij kabineti, që thonë deklaratat, si duken dokumentet, punë të tilla. Sinqerisht, kjo është një shpërqendrim i çështjeve që janë të rëndësishme për votuesit në këtë vend”, deklaroi Ageler.
Ajo në intervistë thotë se ka marrë njoftim nga Qeveria e re se marrëveshja e “Behtel dhe Enka” për ndërtimin e korridoreve