Është publikuar një fotografi e kryetarit të VMRO-DPMNE-së, Hristijan Mickoski duke dalë nga Shtabi qendror i koalicionit VLEN, ndërkohë që mediat raportojnë se është diskutuar bashkëpunimi për raundin e dytë zgjedhor. Qytetarët të cilët e kanë dërguar fotografinë e Mickoskit para Shtabit qendror të VLEN, merret vesh se kreu i VMRO-së ka kërkuar dhe ka marrë mbështetje nga VLEN për kandidaten për presidente, Gordana Siljanovska. Kjo mund të lidhet edhe me deklaratën e ditës së sotme të Izet Mexhitit që thotë se zgjedhjet presidenciale nuk do të bojkotohen.
Ndryshe, kandidatja për presidente shteti nga VMRO-DPMNE, Gordana Siljanovska Davkova ka shprehur qëndrime të ashpra kundër Ushtrisë Çlirimtare Kombëtare, ndërsa ka kërkuar Gjykatë të posaçme, për siç ka thënë ajo, krerët e UÇK-së dhe luftën e vitit 2001. Përveç kundër UÇK-së dhe Marrëveshjes së Ohrit, Siljanovska njihet për qëndrime edhe ndaj fqinjëve tjerë si kundër Marrëveshjes së Prespës me Greqinë dhe Marrëveshjes për fqinjësi të mirë me Bullgarinë, si kusht kryesor për anëtarësimin e Maqedonisë së Veriut në Bashkimin Evropian./Gazeta KOHA