Ziadin Sela në ClickPlus ka bindur publikun se ASH-ja nuk është pjesë e fushatës së zezë që zhvillohet në rrjete sociale. Madje ai u bëri thirrje anëtarëve të ASh-së, që mos të merren me goditje të tilla ndaj asnjë eksponenti politik.
“Realisht, Aleanca për Shqiptarët nuk është pjesë e kësaj propagande. Assesi nuk është pjesë e kësaj kampanje. Më vjen keq, me keqardhje e them se ka eksponentë partiakë që bëhen engjëj para mediave, nga ana tjetër nuk ndalen duke përdorur kampanjë të zezë. Unë në këtë rast po u bëj thirrje publike, që asnjë anëtar i Aleancës nuk guxon të merret me goditje të tilla të ulëta të çfarëdo eksponenti”, tha Sela.