Lënda për blerjen e qendrës tregtare “Soravia”, në pronësi të kompanisë “Thor Industries” të nipit të Ali Ahmetit, Drin Ahmeti, është ende në fazën e hetimeve paraprake, konfirmuan sot nga Prokuroria për Alsat. Më herët, ata informuan se rasti u hap pas një informacioni dhe për të u angazhuan dy ekipe të Ministrisë së Brendshme. Sipas Prokurorisë, janë përfshirë gjithashtu Inteligjenca Financiare dhe Drejtoria e të Ardhurave Publike. Nuk u hetua vetëm blerja e “Soravisë”, por edhe lidhja e personave të caktuar në rastin me disa institucione shtetërore. Kërkohen të dhënat gjithashtu edhe nga Fondi i Inovacionit, Komisioni për Mbrojtjen e Konkurrencës, Depozituesi Qendror, si dhe nga vendet e treta, pa specifikuar se cilat. Vetëm dhjetë ditë pasi Prokuroria i ndau këto detaje, Thor Industries njoftoi një ndryshim të pronësisë. Drin Ahmeti tërhiqet prej saj.
“Drin Ahmedi, drejtor ekzekutiv që ishte në krye të kompanisë, si themelues dhe pronar i Thor Industries, duke udhëhequr kompaninë përmes fazave të ndryshme të zhvillimit dhe ristrukturimit, do të tërhiqet deri në fund të vitit… Vendimi vjen si pjesë e një plani të tranzicionit të lidershipit strategjik, që siguron transferimin e qetë dhe efektiv të përgjegjësive në një ekip të ri menaxhimi të emëruar nga American International Holdings në Teksas”, thonë nga Thor Industries.
Sipas disa shkrimeve në emisionin “Kod”, Texas American International Holdings, që e merr kompaninë e Drinit, u themelua nga Nik Mehmedi. Ai zotëron bare striptizi në Dallas, Teksas. Jozyrtarisht, ai gjithashtu ka pasur probleme me autoritetet gjyqësore amerikane. Drin Ahmeti me “Thor Industries” në “Soravia” u bë pronar vitin e kaluar më 1 shtator, domethënë pas marrjes së një huaje nga kompania e Nik Mehmetit, nga investimi themelues prej tre milionë eurosh. Ndërkohë, për shkak të “Thor Industries”, Komisioni Kundër Korrupsionit i bëri thirrje Qeverisë që të kërkojë përgjegjësi nga menaxhmenti i Fondit të Inovacionit, për shkak të parregullsive të caktuara për një grant që i është dhënë kësaj kompanie. Në rastin e Fondit, Kryeministri Teknik Talat Xhaferi, u deklarua jokompetent. /Alsat.mk